Featured Post

Hakipun Allah dumateng titah





Allah iku nggadahi hak dumateng awake dewe, awake dewe titah 

Syaikh Muhammad bin Abdul wahhab nate matur : 

كل ما سوى الله عالم وأنا واحد من ذلك العالم 

"Sedanten sak sanesipun Allah niku titah (hamba), lan aku salah sawijining titah" 

Tujuan menungso dicipto dening Allah Ta'aala


Pitakon : Kena ngapa Allah Subhaanahu Wa Ta'aala Nyipto awake dewe?
menungso nggih jin

Wangsulanipun : Allah Subhaanahu Wa Ta'aala Nyipto awake dewe niki supadhos kita manembah lan ibadah dumateng Allah, lan mboten tumindak syirik senadyan sithik

Dalilipun pangandikanipun Allah mapan wonten surat Ad Dzariyat 


وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ

Lan Ingsun ora nyipto jin, lan ingsun ora nyipto menungso, kejaba supaya menungsa lan jin iku manembah marang ingsun ibadah marang ingsun

Wonten sak lebetipun kitab "Al Ushul Ats Tsaalaatsah" Syaikh Muhammad bin Abdul Wahhab rahimahullah paring penafsiran dumateng pangandikanipun Allah (supaya menungso jin manembah lan ibadah) maknanipun napa? supaya menungso lan jin iku nindakke ajaran Tauhid lan nebihi tumindak syirik

Dados tujuan utama menungso dicipto dening Allah ning alam donya, mboten kongkon madhang, golek jabatan, lan bandha, anangin dicipto dening Allah supaya manembah dening Allah, nindake ajaran Tauhid, niki tujuan awake dewe ampun lali

Lan dawuhipun Nabi Shallallahu 'alaihi wa sallam : 


حق الله على العباد أن يعبدوه ولا يشركوا به شيئا

Hakipun Allah marang titah, supaya titah iku manembah ibadah dumateng Allah Subhaanahu Wa Ta'aala, lan mboten tumindak syirik babar blas (Muttafaqun 'Alaih)

niki ingkang kedah kulo panjenengan pahami, menungso iku tujuane ngibadah, lan mlayu adoh nebihi sedanten tumindak syirik

nek tumindak syirik tesih ditumindakaken ibadah amal sholihipun dados muspra, mboten guna, mboten wonten manfaatipun 


لَئِنْ أَشْرَكْتَ لَيَحْبَطَنَّ عَمَلُكَ

nek sira tumindhak syirik, bakal ilang muspra sedayaning amalan sing kok tindakake

(Qs Az Zumar 65)


وَقَدِمْنَآ إِلَىٰ مَا عَمِلُوا۟ مِنْ عَمَلٍ فَجَعَلْنَٰهُ هَبَآءً مَّنثُورًا

Banjur ingsun tuduhake ibadah sing wis ditindakake wonten donya, banjur ingsun dadeake amalan ibadah iku mau ilang muspra kaya dene lebu sing kabur kangingan (Qs Al Furqan 23).




***

Diselesaikan malam hari di Pulogebang, Cakung, Jaktim 6 Dzulqa'dah 1441 H